علق المطرب حمزة نمرة على الأحداث الجارية في فلسطين، والتي كان آخرها الجريمة البشعة التي ارتكبتها قوات الاحتلال أمس بمستشفى المعمداني، والتي راح ضحيتها أكثر من 500 شهيد من بينهم أطفال ونساء.
كتب "نمرة" عبر حسابة الشخصي على موقع التواصل الاجتماعي فيسبوك قائلا:"قلبي واجعني على اللي ماتوا.. مش عارف أنام من القهر.. فا مسكت المصحف وقرأت كلام ربنا فا روحي هدأت واتطمنت عليهم".
وأضاف، تخيلوا كل اللي كانوا في المستشفى، بآلامهم وأوجاعهم وعطشهم وجوعهم ولهفتهم على عيالهم وعياطهم وقلة حيلتهم.. في غمضة عين.. في أسرع من غمضة عين.. اتبدل حالهم لحال ما أعظمه وأجمله! لنعيمك يارب! "فرحين بما آتاهم الله من فضله" وخلاص.. مافيش خوف..مافيش حزن.
واستكمل، مافيش كل العالم البائس المجنون ده.. في غمضة عين بقوا منعّمين في النعيم الأبدي، ومين يستحق أكتر منكم يا حبايبي؟ ياللي كل العالم..كل العالم خذلكم ودوّر وشه الناحية التانية.. الجنة طبعاً ليكم أومال هتكون لمين؟ لينا؟ احنا شيلتنا تقيلة أوي..لكن انتم مين قدكم وقد فرحتكم دلوقتي.. ألف حمد وشكر لك يارب يا عدل يارحمن يا رحيم.. ألف ألف حمد وشكر.
وأنهى، آمنت يارب بك وباليوم الآخر.. إنا لله وإنا إليه راجعون يقيناً.
حمزة نمرة