عبرت هنا شيحة عن احترامها لحياة شقيقتها "حلا" الشخصية وحريتها في اتخاذ القرارات المناسبة لها.
وجاء هذا الرد من "هنا" على سؤال البعض وانتقادهم لـ "حلا" بخلع الحجاب، حيث أكدت على أنها كفنانة ليس لها علاقة بالقرارات الشخصية لأي شخص، وتحث على عدم التدخل في حياة الآخرين وتذكر أن العلاقة الدينية بين الفرد وربه، وتؤكد على أنها لم تتحدث من قبل ولن تتحدث في المستقبل عن موضوع شقيقتها أو أي فنانة فيما يخص الأمور الخاصة.
حيث ردت هنا شيحة من خلال تصريحات تلفزيونية قائلة: إحنا إخوات برا الوسط الفني، لكن أنا كفنانة مليش علاقة بيها كفنانة، وهي ليها اختياراتها وحياتها ومينفعش أتدخل في ده أو يبقى ليا رأي سواء كان مع أو ضد.
وتابعت: أنا مبتدخلش في حاجة متخصنيش، بشوف إن كل بني آدم مسئول عن نفسه، في ناس بتقولي إنتي أختها، بس أنا مش المحامية بتاعتها ولا المتحدثة الرسمية، فياريت محدش ياخد رأيي ولا يسألني عن المواضيع الخاصة دي.
وأضافت هنا شيحة: أنا مبدخلش في الحياة الشخصية لأي شخص وكل شخص ليه الحرية في حياته الشخصية، وإحنا مش شغلتنا نتحكم في بعض ولا نحكم على بعض ولا نجلد بعض، علاقة الشخص الدينية دي بينه وبين ربنا، أنا مالي مبتدخلش في حياة حد، ولا مرة طلعت اتكلمت في موضوع أختي ولا موضوع أي فنانة المواضيع الخاصة دي أنا مبتكلمش فيها.