انتقد الفنان حازم إيهاب، قائد منتخب مصر ونجم ليفربول الإنجليزي محمد صلاح، عقب إذاعة فيديو أمس الذي يدعم فيه "مو صلاح" الشعب الفلسطيني، وناشد العالم بمساندة أهل غزة.
إثر الأحداث الراهنة التي تعيشها أهالي غزة من قصف قوات الاحتلال لهم مما أدى إلى سقوط العديد من الضحايا بينهم مجموعة كبيرة من الأطفال.
وجاء ذلك من خلال فيديو نشره حازم إيهاب عبر حسابة الشخصي على موقع التواصل الاجتماعي لتبادل الصور والفيديوهات "إنستجرام"، تضمن الآتي: " أنا بحب محمد صلاح كثير، ومؤمن بالتجربة اللي خرجت من بلدي رغم كل الصعوبات، ووصلت إلى العالمية ليعرف العالم كله من هو الشخص الذي يلعب في نادي جماهيري عالمي؟، وأيضًا دخلنا كأس العالم، يجب أن تفهم جيدًا مكانتك بين الناس".
وأضاف، باسم يوسف عمل إيه أو إيه الخطوة اللي عملها اللي خلى العالم كله يتكلم عنه.. حلقته جابت 8 أو 9 مليون، واتكلم بحماس وعبّر عن رأيه بحيادية تامة، يا محمد كنت تعبر كأي شخص بيفكر صاحب نفسه قضية، الناس بتتحمي فينا.
واستكمل: باسم يوسف قال كل اللي عايزين نقوله ونوصله للعالم باللغة الإنجليزية، وجت ليه فرصة التحدث باللغة العربية وليس الإنجليزية على الإطلاق، خرج باسم يوسف واتكلم ولما كان المذيع بيقاطعه كانت ردوده كلها واقعية، وهو متمسك بطرف واحد وحمايته واتكلم عنه.
وتابع: معنديش أي مشكلة على الإطلاق في تقبلك لكل الانتقادات اللي بتتعرض ليها، وفاهم إنك تبرعت للهلال الأحمر لصالح الضحايا في غزة، وأنا مش ضد قبولك للنقد وأن عندك اللي تخاف عليه، ولكن معرفش إيه هو، ودي أكتر حاجة استفزتني كتير، مكنش عندي أزمة إنك تفضل مكمل في النظرية دي وتسيب الناس تضرب دماغها في الحيط.
واستطرد: عمرك ما كنت زي أبو تريكة اللي بياخد كروت صفرا وبيتوقف علشان لابس تشيرتات تعاطف مع غزة أو فلسطين أنت عمرك ما كنت الشخص ده.. أنت راجل خايف على مستقبلك أنت عملت فيديو ملوش أي لأزمة إيه اللي استفدتوا؟.. ومش فاهم أنت مع مين وعايز تضمن إيه.. أنت عايز تمسك في مين.. أنت خايف على إيه.. كلنا عارفين أنك كنت هتروح السعودية لا كان السنة دي أو اللي بعدها.. مش هتكلم على رزقك ربنا يباركلك فيه ياراجل دي قضية وفي ناس بموت.
وأوضح حازم إيهاب: أنت خايف على إيه على الفلوس مظنش على شعبيتك ما هو متقنعيش أنك في الآخر هتدفن برة لا في الآخر هتدفن في مصر.
واختتم حازم إيهاب حديثه قائلًا: يا صلاح ده أنت كنت صوتنا كنت المعنى بتاعنا وكنت بتعرف العالم إن في ناس محترمين مصريين وماشيين جنب الحيط ومعندوش فضايح أنا حقيقي مش فاهمك.