أوضحت الفنانة منى فاروق تفاصيل خبر اعتزالها الفن، وطالبت الدكتور أشرف زكي، نقيب المهن التمثيلية، والفنان أشرف عبد الباقي وشركات الإنتاج، مساندتها في تلك المحنة وترشيحها في أعمال فنية، موضحة أنها أصبحت في حالة مادية متعثرة حتى أصبحت لا تسطيع دفع إيجار منزلها.
وكتبت منى فاروق عبر حسابها على موقع التواصل الاجتماعي لنشر الصور والفيديوهات "انستجرام": "مساء الخير الكلام اللي بقوله ده خارج خالص عن فكرة إني أخد الترند واعمل زي أي حد أنا قولت اعتزال الفن لسبب واحد هو بس هو ده مصدر رزق الوحيد اللي أنا بحبه وعاوزة اشتغله، لكن لما أوصل لمرحلة إني مش عارفة أدفع إيجار بيتي حاجة تتعب".
وأضافت "فاروق": "أنا محتاجة اشتغل عشان أعيش زي أي بني آدمة طبيعية، أنا غلطت وربنا بيسامح ليه البني آدمين مش عاوزين يسامحوا".
وأوضحت فاروق: "أنا بسمع بودني لا بلاش منى عشان الفيلم والدعاية متضرش الفيلم أو المسلسل، ليه يا ربي أنا بقيت منبوذة من كل الناس أنا مش طالبة غير اشتغل في الحاجة اللي بحبها عشان أعرف أعيش.. المجتمع حاططني في المكان الوحش بس مش يمكن عاوزة أبقى كويسة زي أي واحدة ليه بتقفلوه قدامي في كل حاجة".
وناشدت قائلة: "عشان كده أنا بناشد الدكتور أشرف زكي والأستاذ أشرف عبد الباقي وشركات الإنتاج محتاجة الشغل.. عاوزة أعرف أعيش ولما قولت قرار اعتزال من أجل لو حد شافني بشتغلي في محل لبس أو أي شغل ميقولش إيه ده، والله مش طالبة غير أشتغل، أبوس إيديكم عاوزة أشتغل".