شكرت نبيلة عوض «فتاة التجمع»، القضاء المصري، لعودة حقها والحكم بالسجن المشدد 15 عاما على سائق أوبر المتهم بخطفها والتعدي عليها.
وقالت نبيلة عوض، و«الله أنا ممتنة جدًا للقضاء والشرطة والنيابة أنا عمرى ماكنت متخيلة أبدا إن ممكن المحكمة تجيبلي حقى فى أول جلسة من المحاكمة، كنت زعلانة ودلوقتي حاسة إنى فوقت، رجعتلى روحي تاني، الحمد لله».
وأضافت خلال مداخلة هاتفية مع الإعلامية نهال طايل ببرنامج تفاصيل المذاع عبر قناة صد البلد2، «حياتى كانت واقفة ولسه لحد دلوقتي مارجعتش شغلى بسبب إصابة إيدى من يوم الواقعة، معرفتش أرجع عشان أنا بشتغل مدرسة، وأخدت إجازة من المدرسة من وقت الحادثة وحاسة إنى فى دوامة».
وعن شعورها وقت سماع الحكم على المتهم، قالت «فتاة التجمع»: «الحمدلله أنا كنت حاضرة الجلسة، لماسمعت الحكم كأنه حلم وربنا بيجبر بخاطرى».
موضخة «الناس كانت بتشوفني تقولى إنتى محاربة وناس قالولى بلاش تتكلمى في الموضوع، متابعة، معنى إن المحكمة تحكم على المتهم من أول جلسة، ده رد اعتبار ليا، الحمد لله».
واختتمت «عمري ما اتمني اللى حصلى يحصل لأى حد فى الدنيا».