قالت الفنانة هلا السعيد أمام النيابة العامة، في ردها على سؤال حول سبب تصويرها لفيديو ونشره عبر مواقع التواصل الاجتماعي، وزعمها أن "سائق أوبر" الذي كانت تستقل معه السيارة حاول التحرش بها: "معرفش هو قصد إيه بصراحة.. وأنا كنت مرعوبة".
في الجزء الثالث والأخير من نص أقوال هلا السعيد، أوضحت أنها "صورت الفيديو بكاميرا هاتفي لنفسي وأنا واقفة في الشارع علشان أعمل محضر الناس تصدقني".
وكان نص أقوالها كما يلي
س: ما الدافع لإتيان مرتكب الواقعة لتلك الأفعال تحديدًا؟
ج: أنا معرفش بس هو بيقول إن عنده السكر، ولازم يتبول كل فترة.
س: إذًا ما هو قصد مرتكب الواقعة من إتيانه لذلك الفعل آنف البيان؟
ج: أنا معرفش هو قصده إيه بصراحة بس اللي جه في دماغي ساعتها، إن ممكن قصده يتعدي عليا.
س: وكيف استبان لكي ذلك القصد؟
ج: علشان هو ده اللي حصل، ومفيش حد طبيعي بينزل في حتة مقطوعة ويقف ورا العربية ويفتح حزام وزرار بنطلونه، ومن اللي بنسمعه من مشاكل السواقين بتوع (أوبر).
س: وهل من ثمة شاهد أبصر تلك الواقعة تحديدًا؟
ج: لا، علشان مفيش حد في الطريق ده بيمشي على رجله
س: وهل من ثمة آلات مراقبة بالمكان محل الواقعة قد رصدتها تحديدًا؟
ج: لا هو طريق سريع ومفيهوش أي كاميرات.
س: إذًا ما هي طبيعة المقطع المصور المتداول على مواقع التواصل الاجتماعي محل الواقعة؟
ج: هو الفيديو ده أنا صورته بكاميرات تليفوني لنفسي، وأنا واقفة في الشارع علشان أعمل محضر الناس تصدقني
س: وهل يمكنك التعرف على مرتكب الواقعة في حالة ضبطه؟
ج: أيوة، طبعًا علشان أنا وقفت معاه أكثر من حوالي 10 دقائق.
س: وهل من ثمة علاقة أو خلافات بينك وما بين مرتكب الواقعة؟
ج: أنا مفيش ما بيني وبينه أي علاقة ومعرفوش، وكل اللي اعرفه إن اسمه (مصطفى)، ومفيش بيني وما بينه أي خلافات، وأول مرة أشوفه.
س: ما قولك فيما سطره الرائد يوسف رشوان بمحضر جمع الاستدلالات المؤرخ في 22/5/2024 الساعة 11:45 مساءً والثابت به أقوالك استدلالًا «تلوناها عليها تفصيلًا»؟
ج: أيوة، الكلام ده حصل وأنا فعلًا روحت القسم إمبارح بالليل، وعملت محضر بالواقعة.
س: وهل من ثمة علاقة أو خلافات بينك وما بين الرائد يوسف رشوان؟
ج: لا