قال الرئيس عبدالفتاح السيسي إن اختيار المعلمين وإعدادهم لكي يقومو بمهمة خطيرة وحساسة في بناء الإنسان المصري، «الدولة كانت بتعلن عن وظائف شاغرة للمعلمين وكان يتقدم للموقع الراغبين ولكنت هناك شكاوي أن الأمر عادل بالاختيار، ومعايير الانتقاء كانت عامة، ولكن تم عمل برامج للتقييم والاختبار لمن يتقدمون لشغل هذه الوظيفة، وظيفة المعلم وبالتالي يوجد فرصة للجميع وتتحقق العدالة بالاختبار».
وأضاف الرئيس السيسي خلال كلمته في جلسة بناء الإنسان ضمن فعاليات الاحتفال بيوم تفوق جامعات مصر، المنعقدة بجامعة السويس، أنّ موضوع الـ1000 معلم و1000 مدير مدرسة، «كان خلال الفترة اللي فاتت كان في نقاش ليه بتودو بعض الناس الأكاديمية العسكرية، وبقول بكل صراحة بتقولو حصل تطور كبير جدا في مجتمعنا، تطور جزء منه إيجابي وجزء منه سلبي، والمعلم اللي عاوزه في المدرسة عاوزه بإنتماءات ومهارات وكفاءه علشان هنسلم ليه ولادنا، فلما نبذل معاه جهد شوية مع المعلم أو المدير لتجهيزه وإعداده علشان الدور اللي محتاجين ليه ونأهله».
وتابع الرئيس «دلوقتي بقينا في عالم متطور وتطور وسائل الاتصال وتضييع الوقت والسهر، وإحنا عاوزين معلم يروح الساعة 6 الصبح المدرسة، فبنقعده 6 شهور يصحى 5 الصبح، وعاوز معلم يهتم بالرياضة، وهو مكانش بيهتم بالرياضة قبل كدا، فأنا بدخله برنامج عام، ولمن الفنيات مبندخلش فيه، مبندخلش في التخصص، إحنا بنحط إطار عام، ولو أقدر اعمل ده في كل مؤسسات الدولة هعمله، لأني عاوز الجهاز الإداري للدولة أكثر التزاما وانضباطا وتقدما وأكثر استعدادا للعطاء، ولو حد عنده أفكار أخرى يقولي عليها نعملها، أنا أخدت دول 6 شهور وتم الانتقاء واتعمل ليهم كل اللي يحقق ليهم كفاءة الاختيار، ثم نبذل معاهم جهد علشان يبقو جاهزين من خلال التعليم الفني، ومع المدرسين مما يتم انتقائهم، ولو عندي فرصة أعمل كدا مع الـ30 ألف مدرس بس ما أقدرش أقعدهم 6 شهور كدا علشان ينتبه لولاء والانتماء والرياضة والصحيان بدري لأن الثقافات والممارسات يمتصها الطالب من العلم، ونحتاج للإطمئنان لصياغة شخصية نعطيها الأطفال الصغار بنين وبنات».