وجه حسين الشحات، لاعب النادي الأهلي، رسالة إلى جماهير الكرة المصرية حول الأزمة الأخيرة التي يمر بها أحمد فتوح، لاعب نادي الزمالك، مستشهداً بموقفه الشخصي مع محمد الشيبي وذكر وفاة اللاعبين أحمد رفعت وإيهاب جلال.
وقال الشحات في رسالته: "عايز أتكلم في موضوع شاغلنا كلنا، بس محدش حاسس بحقيقته، الموت قريب مننا وناس كتير بتموت من كتر الضغط النفسي. شفنا أخونا أحمد رفعت، الله يرحمه، وكابتن إيهاب جلال، الله يرحمه".
وأضاف الشحات: "كنت في موقف مشابه مع الشيبي، وكنت تحت ضغط كبير، لكن خرجت واعتذرت. دلوقتي، ما ينفعش نوصل فتوح لنفس الضغط. فتوح أخطأ وقال إنه غلط، وده موقف كبير إنه يعتذر، فلازم نرحمه بدل ما نزيد عليه. لما شخص يعتذر ويقول إنه غلطان، دي حاجة كبيرة عند ربنا".
وختم الشحات: "فتوح طلع واعترف بخطئه، وعايز يكفر عن غلطه، مش لازم كل شوية نقول له أنت غلطان. ادعوا له ربنا يهديه ويسامحه، وادعوا لكل إنسان بيغلط".